Polici që humbi jetën në aksin Korçë-Bilisht, po lëvizte në korsinë e gabuar

Një aksident tragjik ka ndodhur sot në aksin rrugor Korçë-Bilisht.

Një punonjës policie ka humbur jetën pasi mjeti i tij është përplasur me një kamion në afërsi të fshatit Neviçisht.

Mësohet se mjeti i tonazhit të rëndë ka qenë duke udhëtuar nga Korça në drejtim të fshatit Pojan ndërsa efektivi i policisë Ilir Duni ka qenë duke udhëtuar nga Zëmblaku në drejtim të Korçës.

Por oficeri i Policisë së Pikës Kufitare Goricë, ka qenë duke lëvizur në krahun e kundërt të rrugës kur shoferi i kamionit për të shmangur goditjen ka kërkuar ta kalojë në krahun e kundërt të aksit rrugor. 

Por ky devijim ka qenë fatal pasi polici është përplasur me kamionin, mjeti është përfshirë nga flakët ndërsa 62 vjeçari Ilir Duni ka humbur jetën.

Hetimet e policisë vijojnë për zbardhjen e plotë të rrethanave të ngjarjes.