Policia arreston Furrikun në Tiranë, anëtar i organizatave kriminale në Itali

Interpol Tirana ka arritur të zbulojë në Shqipëri se ku fshihej një anëtar i organizatave kriminale në Itali dhe e ka arrestuar atë. Ermal Furriku, 38 vjeç u kap nga shërbimet e Seksionit të Kërkimit, bazuar në inteligjencën informative mbi vendndodhjen e tij.

Gjatë operacionit policor të koduar “Potenza”, policia e ka kapur në rrugën “Perlat Rexhepi” dhe e ka arrestuar me qëllim ekstradimin në Itali.

Furriku ishte shpallur në kërkim ndërkombëtar, pasi Gjykata e Potenza, Itali, i ka lëshuar urdhër arresti për veprat penale “Trafikimi i lëndëve narkotike” dhe “Organizatë kriminale”, parashikuar nga Kodi Penal i Italisë. Tashmë Interpol Tirana  po vijon procedurat për ekstradimin e tij në Itali.