“Edhe njëherë ju lutem…”

Gazetarët i kujtojnë që është “Live”

Në ditën e sotme, zyrtarët qendrorë dhe lokalë të vendit kanë zgjedhur kishat e qyteteve të tyre për të uruar besimtarët për Krishtlindje.

Pas vizitave, shumica e tyre kanë përcjellë edhe mesazhe për mediat dhe qytetarët. Megjithatë, për prefekten e Shkodrës, Holta Duda, deklarata nuk shkoi sipas planeve.

Mesa duket, ajo nuk kishte kuptuar që vizita dhe fjalimi i saj po transmetoheshin live.

“Sot të gjithë bashkë mblidhemi të gëzojmë lindjen e Krishtit, ashtu siç ylli ndriti në zemrat e të gjithë popujve në tokën e shenjtë atë natë kur lindi Krishti bebe… ashtu edhe unë sot, në emër të gjithë… ju lutem edhe njëherë më falni…”, tha prefektja, e cila mes emocioneve rifilloi urimin e saj për besimtarët.

Në krah të saj ishte edhe deputetja socialiste e qarkut Shkodër, Marjana Koçeku, që e shoqëroi gjatë vizitës dhe urimeve.