Pritet ‘nami i zi’! Të shtunën thirret protestë kombëtare e studentëve

Një protestë kombëtare është thirrur për ditën e shtunë, më 24 tetor, në orën 10:00, para Kryeministrisë në Tiranë. Thirrja synon të bashkojë të rinjtë, studentët, shqiptarët brenda dhe jashtë vendit, si dhe grupimet e organizuara të tifozëve, në një tubim të përbashkët.

Nisma është bërë publike përmes një posteri, ku protesta prezantohet me moton “Protestë rinore, kombëtare dhe diasporë”. Në të përmenden si pjesëmarrës të synuar rinia, kombëtarët, diaspora dhe grupimet “Ultras”.

Thirrja vjen në një moment kur protestat e gjimnazistëve dhe studentëve kundër qeverisë kanë vijuar prej disa ditësh në kryeqytet, të shoqëruara edhe me tensione dhe përplasje me policinë. Organizimi i paralajmëruar për të shtunën synon ta zgjerojë pjesëmarrjen përtej Tiranës, duke përfshirë edhe shqiptarët që jetojnë jashtë vendit.

Përmes kësaj thirrjeje, organizatorët synojnë të mbledhin në të njëjtin tubim të rinjtë, qytetarët dhe grupimet e tifozëve, me synimin për t’i dhënë protestës një shtrirje kombëtare.

Tubimi është paralajmëruar të nisë në orën 10:00, përpara godinës së Kryeministrisë në Tiranë, ndërsa pjesëmarrja e diasporës dhe e grupimeve “Ultras” është pjesë e mesazhit të publikuar në poster.