Rama i përgjigjet Bashës pas videos që publikoi kryedemokrati

Pak pasi kryetari i Partisë Demokratike Lulzim Basha publikoi një video kolazh me disa nga momentet kur kryeministri ka pasur disa përballje me gazetaret femra, nuk ka vonuar reagimi i shefit të qeverisë, Edi Rama.

Në një përgjigje për kryedemokratin përmes një postimi në Twitter, Rama i kujton Bashës se “ofendimi, shpifja, harbutëria nuk ka gjini”.

“Ti king vajzat e shqiptarëve ruaji nga Saliu, Likja e tërë harbutët e tu që lemerisin dynjanë kur hapin gojën dhe lëri montazhet prej skuthi!”, shkruan Rama në reagimin e tij.

Postimi i Kryeministrit Rama në Twitter:

Lulëzim ofendimi, shpifja, harbutëria nuk ka gjini, është e pajustifikueshme pavarësht nga gjinia e autorit!

Kurse ti king vajzat e shqiptarëve ruaji nga Saliu, Likja e tërë harbutët e tu që lemerisin dynjanë kur hapin gojën dhe lëri montazhet prej skuthi!

***

Kujtojmë që Basha në mesazhin e tij bashkëngjitur videos iu drejtua shqiptarëve duke thënë:

“Mendoni sikur të ishte vajza juaj”, teksa nënvizonte se sjellja e kryeministrit i ka “ofenduar dhe diskriminuar” sipas tij vajzat në këto momente.

“Vajza juaj po dëgjon dhe vota jote në 25 prill, mund të përcaktojë një tjetër model.
Voto për ndryshimin!”, shkruante Basha.