Revolta/ Përfshihet nga flakët godina e OTP Bank në Myslym Shyri

Një tjetër godinë është përfshirë nga flakët gjatë protestës në Tiranë. Këtë herë, incidenti është regjistruar në zonën e Myslym Shyrit, ku filiali i OTP Bank është sulmuar dhe më pas është përfshirë nga zjarri.

Sipas raportimeve, protestuesit kanë thyer xhamat e godinës dhe më pas i kanë vënë flakën. Pamjet nga vendngjarja tregojnë përmasat e incidentit, ndërsa situata e tensionuar në kryeqytet është shtrirë në disa zona.

Ngjarja në Myslym Shyri vjen pas incidenteve të tjera të raportuara gjatë protestës, përfshirë zjarrvënie pranë urës te Piramida dhe në godinën e Gjykatës së Lartë.

Zhvillimet e fundit tregojnë për një përshkallëzim të situatës në kryeqytet, ku krahas përplasjeve janë raportuar edhe dëmtime të pronës publike dhe private. Incidenti në filialin bankar shton listën e objekteve të përfshira në ngjarjet e mbrëmjes.