“Dikur ta lexova si një premtim për të ardhmen, sot po e jetojmë bashkë”

Ish-banori i “Big Brother VIP Albania”, Rogert Sterkaj, ka zgjedhur një mënyrë të veçantë dhe mjaft emocionale për të uruar bashkëshorten e tij me rastin e ditëlindjes së 31-të.

Përmes një poezie të publikuar në rrjetet sociale, Rogerti i ka kushtuar asaj një dedikim romantik, duke e kthyer urimin në një premtim dashurie dhe një reflektim mbi rrugëtimin e tyre së bashku.

“Premtimi im” titullohet poezia, e cila nis me kujtimin e një momenti të veçantë në ditën e dasmës. Rogerti tregon se dikur, në atë ditë, ia kishte lexuar këtë poezi si një premtim për të ardhmen, ndërsa sot, në ditëlindjen e saj, dëshiron t’ia thotë sërish, por me një kuptim edhe më të veçantë.

“Dikur, në ditën tënde të dasmës, ta lexova këtë poezi si një premtim”, shkruan ai në dedikimin e tij.

Më tej, ish-banori i “Big Brother VIP Albania” thekson se këtë herë fjalët nuk janë thjesht një premtim për atë që do të vijë, por për një jetë që çifti tashmë ka nisur ta ndërtojë dhe ta përjetojë së bashku.

“Por këtë herë jo vetëm si një premtim për të ardhmen… por si një premtim që kemi filluar ta jetojmë bashkë”, shkruan Rogerti.

Dedikimi shoqërohet edhe me një ilustrim artistik ku çifti shfaqet në momente romantike, duke i dhënë edhe më shumë emocion mesazhit të tij.

Urimi i Rogertit është një tjetër moment ku ai ka zgjedhur të ndajë publikisht një pjesë intime të marrëdhënies së tij, duke e kthyer ditëlindjen e bashkëshortes në një deklaratë dashurie.