Rritja e çmimit të naftës, Donald Trump: Do të bjerë shumë shpejt!

Donald Trump deklaroi se çmimet e naftës pritet të bien shpejt sapo të përfundojë, sipas tij, “shkatërrimi i kërcënimit bërthamor të Iranit”.

Në një reagim të publikuar në platformën e tij sociale Truth Social, ish-presidenti amerikan theksoi se rritja aktuale e çmimeve të naftës është një kosto e përkohshme që lidhet me përpjekjet për sigurinë globale.

Sipas Trump, kjo rritje duhet parë si një sakrificë e vogël për stabilitetin ndërkombëtar. Ai u shpreh se “rritja e çmimeve është një çmim i vogël për t’u paguar për paqen dhe sigurinë e Shteteve të Bashkuara dhe të botës”, duke shtuar se vetëm “të çmendurit mendojnë ndryshe”.

Deklarata vjen në një moment tensionesh të larta në Lindjen e Mesme, ndërsa tregjet globale të energjisë janë përballur me luhatje të forta të çmimeve të naftës për shkak të zhvillimeve gjeopolitike në rajon.