Sekuestrohen llogari bankare të një gruaje me vlerë rreth 300 mijë euro

Policia e Vlorës raporton se ditën e sotme ka sekuestruar dy llogari bankare në pronësi të një 57-vjeçareje me inicialet T.B., dhe me vlerë monetare prej 298.324 Euro.

Në njoftimin e policisë thuhet se: “Specialistët e Seksionit për Hetimin e Krimit Ekonomik e Financiar në Drejtorinë Vendore të Policisë Vlorë në bashkëpunim me Prokurorinë e Rrethit Gjyqësor Vlorë, ditën e sotme kanë bërë të mundur sekuestrimin e dy llogarive bankare të shtetases T.B., 57 vjeçe, banuese në Vlorë, me një shumë totale prej 298.324 Euro.”

Më tej thuhet se materialet hetimore iu referuan Prokurorisë së Vlorës për veprën penale: “Pastrim i produkteve të veprës penale ose veprimtarisë kriminale”.