Konfirmohet çifti i parë në Big Brother VIP

Raporti mes Gimbos dhe Selinit brenda shtëpisë së Big Brother VIP duket se po merr një drejtim gjithnjë e më të qartë. Pas disa ditësh me ngacmime, batuta dhe diskutime që tërhoqën vëmendjen e banorëve dhe të publikut, dyshja duket se ka kaluar në një fazë më të hapur të afrimitetit të tyre.

Gjatë orëve të vona të natës, kur pjesa më e madhe e banorëve po pushonin dhe ambienti në shtëpi ishte më i qetë, Gimbo dhe Selini janë parë shumë pranë njëri-tjetrit. Në pamjet që kanë qarkulluar në rrjetet sociale, ata shfaqen duke shkëmbyer një puthje në buzë, një moment që për shumë ndjekës është interpretuar si konfirmim i lidhjes që po krijohet mes tyre.

Afrimi mes dy banorëve nuk është i papritur për publikun e formatit. Ditët e fundit ata janë parë shpesh në shoqërinë e njëri-tjetrit, ndërsa bisedat dhe situatat e krijuara në oborr me banorë të tjerë – përfshirë edhe Gretën – kishin shtuar spekulimet për natyrën e raportit të tyre.

Pas këtij momenti, gjithçka lë të kuptohet se Gimbo dhe Selini nuk po përpiqen më ta mbajnë të fshehtë afrimin mes tyre, duke e shfaqur më hapur marrëdhënien në shtëpinë më të famshme në Shqipëri.