ndërsa bota lufton për të hyrë në Europë

Mentor Kolija

Kjo është Lufta III

Territoret autonome spanjolle në brigjet e Afrikës Veriore janë bërë arenë e vërshimit të mijëra njerëzve, kryesisht të rinj dhe fëmijë, nga Maroku dhe vende të tjera afrikane.

Pamjet e dy ditëve të fundit kanë treguar një “valë pushtimi” njerëzor. Ata synojnë vendet e Europës Perëndimore, në kërkim të kushteve më të mira të jetesës.

Luftërat dhe varfëria po nxisin gjithnjë e më shumë valë emigrimi, të cilat po shndërrohen në një problem madhor për vendet pritëse.

Ndryshimet klimatike, veçanërisht gjatë dekadës së fundit, vlerësohen si një faktor i rëndësishëm në përkeqësimin e kushteve të jetesës në vendet me burime të pakta natyrore. Mungesa e ujit është vendimtare në nxitjen e shpërnguljeve masive të njerëzve nga zonat e shkreta të Afrikës dhe Lindjes së Mesme drejt tokave më të përshtatshme në Perëndim dhe Veri.

Deri ku mund ta përballojnë këtë fluks vendet e Europës? Çfarë pasojash ekonomike, sociale dhe kulturore do të sjellë ai?

Do të vijë një moment kur politikat humanitare dhe të drejtat e njeriut do t’i nënshtrohen presionit të popujve vendas. Ndërsa, matanë gardhit, do të ketë gjithnjë e më shumë njerëz që kërkojnë një tokë më të mirë.

Në gjithë këtë skenë, mesa duket, të vetmit që ikin nga një vend i mirë jemi ne, shqiptarët.