Shuplakë politike për shqiptarët, VMRO ‘pushton’ komunat

Komisioni Shtetëror i Zgjedhjeve (KSHZ) ka shpallur rezultatet fillestare jozyrtare të rau ndit të dytë të zgjedhjeve lokale të vitit 2025, që u zhvilluan në 32 komuna dhe në Qytetin e Shkupit.

Sipas të dhënave të KSHZ-së, nga 98.25% e vendvotimeve të përpunuara, 415,435 qytetarë votuan në raundin e dytë, që përbën 41.76% të elektoratit kombëtar.

Kryeqyteti: Shkup

Në Qytetin e Shkupit, dalja ishte 35.05%. Kandidati i VMRO-DPMNE dhe Koalicionit, Orce Gjorgievski, mori 93,207 vota, ndërsa kandidati i E Majta, Amar Mecinovic, mori 58,994 vota (36.26%).

Fituesit sipas komunave

• VMRO-DPMNE dhe Koalicioni kryesojnë në 21 komuna

• Koalicioni VLEN fiton në 4 komuna

• LSDM dhe koalicioni i saj fiton në 3 komuna

• Lëvizja ZNAM dhe Unioni i Romëve marrin nga një komunë secili

Disa nga rezultatet më të rëndësishme në komunat kryesore:

• Aerodrom: Dejan Miteski (VMRO-DPMNE) 17,873, Aleksandar Trajanovski (LSDM) 9,489

• Bogovinë: Feti Abazi (VLEN) 6,380, Besnik Emshi (NAI) 5,040

• Bërvenicë: Jovica Ilievski (VMRO-DPMNE) 4,369, Haqim Ramadani (VLEN) 4,224

• Vallandovë: Gjoko Kamçev (VMRO-DPMNE) 3,258, Pero Kostadinov (LSDM) 3,012

• Vinicë: Mitko Kostadinovski (VMRO-DPMNE) 4,449, Goce Milevski (LSDM) 3,320

• Dibër: Fesnik Mela (VLEN) 4,369, Ramadan Imeri 3,674

• Debarcë: Zlatko Siljanovski (VMRO-DPMNE) 1,511, Zoran Nogaçeski 859

• Demir Kapi: Natalija Dimitrieva (VMRO-DPMNE) 1,222, Lazar Petrov (LSDM) 1,152

• Dojran: Ilija Tentov (VMRO-DPMNE) 1,183, Risto Xhinev (LSDM) 679

• Dollnen: Blerim Islami (VLEN) 3,970, Sashko Veljanovski (VMRO-DPMNE) 2,799

• Karposh: Sotir Llukrovski (VMRO-DPMNE) 12,650, Stevço Jakimovski (Koalicioni “Përvoja për Sukses”) 11,421

• Kërçovë: Aleksandar Jovanovski (VMRO-DPMNE) 14,205, Fatmir Dehari (AKI) 11,908

• Koçan: Vlatko Grozdanov (VMRO-DPMNE) 7,368, Venko Krstevski 5,914

• Kumanovë: Maksim Dimitrievski (ZNAM) 16,528, Goran Stojkovski 15,366

Në disa komuna rezultati ishte shumë i ngushtë, duke treguar një konkurencë të fortë ndërmjet kandidatëve, ndërsa në komuna të tjera, VMRO-DPMNE arriti të ruajë avantazhin e tyre historik.

Raundi i dytë i zgjedhjeve lokale ka konfirmuar dominionin e VMRO-DPMNE në shumicën e komunave, ndërsa koalicionet shqiptare dhe partitë tjera mbeten me prezencë më të kufizuar. Numërimi i plotë pritet të përfundojë gjatë ditëve në vijim, duke vënë kështu vulën për hartën e re politike të komunave në Maqedoninë e Veriut.