Kjo është fytyra e një një shtet mafioz!

Një tjetër ngjarje alarmante që nxjerr në pah se Shqipëria po zhytet më thellë në një sistem mafioz, ku drejtesia është në duar të grupeve të fuqishme dhe arrestimet bëhen për të mbrojtur interesat e oligarkëve.

Rrjolli është kthyer në një zonë të rrezikshme për banorët e tij, ku dhuna dhe arbitrariteti i policisë kanë bërë kërdinë. Banorët e fshatit po përballen me një sistem që i trajton si të pavlerë, ndërsa forcave të rendit iu është dhënë dora e lirë të përdorin dhunë për të shtypur çdo përpjekje të qytetarëve për të kundërshtuar padrejtësinë.

Arrestimet e përgjakshme dhe shkelja e të drejtave themelore janë bërë një normë, ku çdo protestë ose shenjë pakënaqësie nga ana e banorëve përballet me përplasjen brutale të forcave të sigurisë. Ky është një shembull i qartë i një shteti që përdor dhunën për të mbrojtur interesat e fuqive të mëdha dhe kriminale të oligarkëve, duke shkatërruar çdo shpresë për një të ardhme të drejtë dhe të barabartë.