U PLAGOS NË PËRPJEKJE ME BANDAT KRIMINALE TË ’97-ËS,RIKTHEHET NË POLICINË E SHTETIT NEBI HYSKAJN

‘Nebi Hyskaj, i plagosur në përpjekje me bandat kriminale në ‘97, dekoruar me “Medaljen e Artë të Shqiponjës”, i liruar e harruar që nga 2009, u rikthye në Policinë e Shtetit. Punë të mbarë Nebiut e mirënjohje të përjetshme për shokët e tij që dhanë jetën për Shqipërinë’, – shkruan Lleshaj në tuiter.

Rikthimi i Hyskajt u bë me porosinë e vetë Ministrit, i cili u interesua personalisht për dosjen e tij. Ai ishte dekoruar me ‘Medaljen e Artë të Shqiponjë’. Hyskaj ishte plagosur rëndë në një ngjarje në përballje me bandat e grabitësve në vitin 1997, dhe ishte i vetmi i mbijetuar i asaj ngjarjeje, ku humbën jetën 3 punonjës policie të tjerë. Deri tani ai ishte i papunë dhe me dëshpërim kërkonte rikthimin në detyrë, qoftë edhe pa të drejtë rroge.

Ministri Lleshaj mesa duket e ka dëgjuar apelin e ish policit dhe ka dhënë porosi që të vlerësohen kontributet ndër vite të punonjësve që kanë sakrifikuar për dinjitetin e uniformës, në shërbim të qytetarëve dhe në mbrojtje të ligjit.