UKT vendos orare të reja shërbimi për qytetarët

Ujësjellës Kanalizime Tiranë ka vendosur orare të zgjatura për punonjësit për t’iu përgjigjur fluksit të qyetarëve.

Në njoftimin e UKT-së, “të gjithë qytetarët të cilët dëshirojnë të aplikojnë për kontratë të re me Ujësjellësin e Tiranës, si dhe konsumatorët që janë të interesuar të kryejnë pagesa apo të përfitojnë nga skema lehtësuese e shlyerjes së debisë që UKT ofron për ta, shoqëria e Ujësjellës Kanalizimë Tiranë ka vendosur orare të reja shërbimi në të gjitha Njësitë Zonalë, PIKAT UKT si dhe në arkat kryesore të qytetit”

Orari do të jetë nga ora 08:00 e mëngjesit deri në orën 20:00, nga e hëna në të shtunë.

Gjithashtu UKT ka vënë në dispozicion numrin e gjelbër 08004488, i cili qëndron 24 orë në 24 në dispozicion për të informuar dhe suportuar çdo qytetar!