Vëllai i deputetit socialist kapet me municion luftarak në shtëpi

Denis Hasalla, vëllai i deputetit të Partisë Socialiste, Saimir Hasalla, është arrestuar nga policia pas një kontrolli të ushtruar në banesën e tij, ku u gjet një sasi municioni luftarak.

Operacioni është zhvilluar nga Strukturat për Hetimin e Krimeve pranë Drejtorisë Vendore të Policisë Elbasan, në zbatim të një vendimi të Gjykatës së Shkallës së Parë të Juridiksionit të Përgjithshëm. Vendimi autorizonte kontrollin e disa banesave si pjesë e një procedimi penal të nisur që në vitin 2024.

Materialet procedurale janë referuar pranë Prokurorisë për veprime të mëtejshme hetimore.

Rasti ngre pikëpyetje serioze për lidhjet e individëve me rekorde problematike me figura të larta të politikës shqiptare. Pritet që drejtësia të japë sqarime të plota për këtë ngjarje me rrezikshmëri të lartë.