VIDEO/ Kaos pranë Selanikut, fermerët grekë përplasen me policinë

Përplasjet mes fermerëve dhe forcave të policisë greke kanë marrë përmasa dramatike pranë Selanikut. Fermerët fillimisht ngritën një bllokadë në kryqëzimin e Lefkonas, por pas thyerjes së barrierës policore, vendosën një bllokadë të re në kryqëzimin e Petritsit, duke u drejtuar më pas drejt stacionit kufitar të Promachonas.

Një video e publikuar ka shkaktuar sensacion, duke shfaqur një skuadër të policisë greke (ELAS) duke u përpjekur të thyejë bllokadën. Pamjet tregojnë një moment të rrezikshëm, ku shoferi i një traktori kryen një kthesë të papritur në formë U dhe kalon me shpejtësi mes mjeteve bujqësore, ndërsa fermerët vrapojnë në anë të rrugës për të shmangur përplasjen.

Policia Helenike ka nisur një shqyrtim administrativ për incidentin dhe hetime të brendshme mbi veprimet e forcave të rendit, ndërsa tensioni në zonë mbetet i lartë.