Vrau kunatin, kapet pas shumë vitesh

Në vitin 2004 në Fushë-Krujë, Dritan Karajvrau me armë zjarri kunatin e tij dhe që atëherë u largua nga vendngjarja në drejtim të paditur.

Vetëm sot, pas 15 vitesh i shpallur në kërkim ndërkombëtar, Karaj është kapur në Itali nga bashkëpunimi i shtetit fqinj me Interpol Tirana.

Dritan Karaj, 38 vjeç, u lokalizua vendndodhja në Bergamo, Itali dhe më pas u kap e arrestua.

Arrestimi i tij u bë pasi Gjykata për Krime të Rënda Tiranë me vendimin e datës 8 korrik 2004, e ka dënuar me 19 vjet burgim për veprat penale “Vrasja me paramendim”, “Heqja e paligjshme e lirisë” “Prodhimi dhe mbajtja pa leje e armëve luftarake dhe municionit” dhe “Vetëgjyqësi, kryer në bashkëpunim”.

Në Fushë-Krujë, në 11 mars 2004, i pandehuri Dritan Karaj ka vrarë me armë zjarri kunatin e tij dhe është larguar nga vendngjarja.

Gjatë periudhës që Karaj qëndronte i fshehur, së bashku me një shtetas tjetër i kanë hequr padrejtësisht lirinë për qëllim përfitimi të një shume prej 7 mijë eurosh, shtetasit E.T. Për këto vepra penale i pandehuri është hetuar e gjykuar në mungesë dhe është deklaruar fajtor duke u dënuar me vendim të formës së prerë.

Kapja dhe arrestimi i tij në Itali u bë me qëllim ekstradimi drejt Shqipërisë, ku do të vuajë dënimin.