Zbardhet identiteti i personit që urdhëroi pengmarrjen e Jan Prengës

Ai është Dritan Rexhepaj dhe dyshohet se është personi nga Vlora që urdhëroi pengmarrjen e Prengës.

Urdhri për rrëmbimin e Prengës u dha nga një burg i sigurisë së lartë në Ekuador, ku Rexhepaj ndodhet aktualisht.

Burime nga hetimet thanë se Rexhepaj komunikonte me grupet kriminale nga burgu.

Policia e ka identifikuar vetëm me iniciake Rexhepajn deri më tani dhe në njoftimin e shpërndarë për mediat thuhet “D. R., nga Vlora, i konsideruar si një nga personazhet më të fuqishëm në botën e krimit në Vlorë, i cili në vitin 2014 është arrestuar me 240 kg kokainë në Ekuador, më herët ishte akuzuar për përfshirje në vepra kriminale në Shqipëri”.