Zbulohet emri i vërtetë i Dolces së Big Brother VIP Kosova

Një nga emrat më të komentuar në këtë edicion të “Big Brother VIP Kosova 4” është padyshim Dolce.

Modelja, e njohur për paraqitjen e saj joshëse dhe stilin provokues, është shndërruar shpejt në një nga vajzat më të pëlqyera të sezonit.

Pak e dinë se “Dolce” është vetëm emri i saj artistik. Konkurrentja quhet në të vërtetë Dona dhe, që prej hyrjes në shtëpi, ka qenë vazhdimisht në qendër të vëmendjes, jo vetëm për karakterin e saj energjik, por edhe për romancën e sapolindur me banorin Eduard Kuçi, histori që po ndiqet me interes nga mijëra shikues.

Por duket se aventura e Donës nuk përfundon këtu. Këtë të premte, bukuroshja pritet të bëjë një hap të madh në karrierë, duke u transferuar zyrtarisht në reality show-n italian “Grande Fratello”.

Ky shkëmbim unik mes dy formateve synon të testojë nëse Dona do të arrijë të fitojë zemrat e publikut italian, njësoj siç rrëmbeu vëmendjen e publikut shqiptar.