Zbulohet një variant i ri i Covid-19 në Kaliforni, shkakton sëmundje më të rënda se të tjerat

Sipas studimeve, ky variant mund të shkaktojë forma të rënda të sëmundjes, jo vetëm më ngjitës.

Një ekip në Universitetin e Kalifornisë, San Francisco, testoi mostrat e virusit nga vatra të fundit të Covid-19 në të gjithë Kaliforninë dhe zbuloi se ky variant po bëhej më i zakonshëm. Nuk u pa në asnjë mostër nga shtatori, por në fund të janarit u gjet në gjysmën e mostrave.

Varianti i quajtur B.1.427 / B.1.429, ka një model të ndryshëm mutacionesh sesa variantet e parë për herë të parë në Mbretërinë e Bashkuar, të quajtur B.1.1.7 dhe në Afrikën e Jugut, të quajtur B.1.351.

“Një mutacion specifik, mutacioni L452R, në domenin lidhës të receptorëve të proteinës spike mund të lejojë që virusi të vendoset në mënyrë më efikase në qeliza. Të dhënat tona tregojnë se ky është me gjasë mutacioni kryesor që e bën këtë variant më infektues. Në këtë studim, ne vërejtëm rritjen e ashpërsisë së sëmundjes së lidhur me infeksionin B.1.427 / B.1.429, përfshirë rrezikun e rritur të kërkesës së lartë për oksigjen”,- tha për CNN Dr. Charles Chiu, drejtor i asociuar i laboratorit mikrobiologjik klinik në UCSF, i cili drejtoi një nga studimet.