ZGJEDHJET PRESIDENCIALE/ Akuza të rënda për manipulim të votave

Presidenti aktual, Republikani Donald Trump kërkon një mandat tjetër në Shtëpinë e Bardhë kundrejt rivalit demokrat, Joe Biden.

Por duket se procesi i votimeve nuk po shkon ashtu siç duhet, me Republikanët që kanë nisur të ankohen për manipulim të votave nga ana e Demokratëve. Shkak është bërë një qark periferik afër Filadelfias, zonë e njohur si Demokrate.

Republikanët pretendojnë se në këtë zonë ka nisur procesi i numërimit përpara Ditës së Zgjedhjeve, vendim në shkelje me ligjin.

Padia që akuzonte zyrtarët e qarkut Montgomery u paraqit të martën në gjykatën federale në Filadelfia nga Kathy Barnette, një kandidat republikan për Kongresin dhe Clay Breece, kryetar i Partisë Republikane në Berks County.

Në Pensilvani, përpilimi i votave është i ndaluar deri në orën 7 të ditës së zgjedhjeve. Qarku Montgomery dhe rrethinat e tjera të Filadelfias pritet të favorizojnë demokratin Joe Biden. Në vitin 2016, gati 60% e votuesve të Qarkut Montgomery shkuan për Hillary Clinton.

Padia vjen pasi Presidenti Donald Trump premtoi një luftë të ashpër ligjore për numërimin e votave që do të zvarritet pas mbylljes së votimeve.

Beteja deri më tani është përqendruar kryesisht në zvogëlimin e përpjekjeve demokratike për të liruar rregullat për votimin me postë. Republikanët gjithashtu pretendojnë se zyrtarët e qarkut Montgomery po lejojnë disa votues me defekte në fletët e tyre të votimit t’i korrigjojnë ato.