Zyrtare: Bashkimi Europian mbyll për 30 ditë kufijtë për të ndaluar përhapjen e koronavirusit

Vendimi vjen pasi vdekjet, por edhe rastet e reja, nga koronavirusi në disa shtete europiane si Italia, Franca, Gjermania dhe Spanja, janë duke u rritur.

Kufijtë e zonës së lëvizjes së lirë “Shengen” prej 27-shtetesh do të qëndrojnë të mbyllur për 30 ditë. Gjatë kësaj periudhe do të lejohen të kalojnë vetëm persona të autorizuar si diplomatë, mjekë e shkencëtarë të përfshirë në betejën kundër koronavirusit.

Për personat që duan të kthehen në atdheun e tyre, shtetet përkatëse i kanë këshilluar të kontaktojnë me ambasadat/konsullatat të vendeve ku ndodhen.

Të njëjtën masë drastike pritet të marrë edhe Britania e Irlanda. Kufijtë janë mbyllur edhe në Lindje, në Moldavi, Bjellorusi, Rusi dhe Ukrainë