Pamjet virale po bëjnë xhiron e rrjetit

Një moment i pazakontë gjatë një interviste televizive është bërë viral në rrjetet sociale. Sekretari i Thesarit të SHBA-së, Scott Bessent, u detyrua të ndërpriste papritur një intervistë pasi u thirr nga presidenti amerikan Donald Trump.

Videoja, e shpërndarë gjerësisht në rrjetin social X, tregon momentin kur Bessent ishte duke zhvilluar një intervistë me gazetarin Wilfred Frost nga Sky News. Teksa Frost përgatitej të bënte pyetjen e radhës, një grua jashtë kamerës ndërhyri papritur.

“Më vjen keq që të ndërpres, por presidenti të kërkon”, dëgjohet të thotë ajo, duke shkaktuar habi si te Bessent ashtu edhe te gazetari.

“Presidenti të do menjëherë”, shtoi ajo më pas. Menjëherë ndërhyri ekipi teknik, duke i hequr mikrofonin sekretarit të Thesarit. Para se të largohej, Bessent i kërkoi falje gazetarit, ndërsa gruaja sqaroi se ai do të mungonte vetëm për rreth 10 minuta.

“Jo problem fare”, u përgjigj Frost.
“Shihemi së shpejti, zoti Sekretar”, shtoi gazetari, ndërsa Bessent bëri edhe një shaka duke thënë se ndoshta kjo pjesë mund të përfshihej në intervistën e plotë.

Megjithatë, sipas pamjeve të publikuara, Bessent u largua nga intervista rreth orës 10:22 të mëngjesit dhe u kthye vetëm në orën 12:07, duke e bërë episodin edhe më të komentuar në rrjet.

Kur intervista rifilloi, gazetari Frost e komentoi situatën me humor:
“Zoti Sekretar, duhet të them se është hera e parë – dhe ndoshta edhe e fundit – që një i intervistuar ndërpritet për të shkuar në Dhomën e Situatave.”

Ai e pyeti gjithashtu nëse presidenti ishte i shqetësuar.

“Jo, presidenti është me humor të shkëlqyer. Misioni iranian po vazhdon dhe po ecën më mirë se sa pritej”, u përgjigj Scott Bessent.

Më tej ai shtoi edhe një koment personal:
“Kam një djalë adoleshent që po mendon shërbimin ushtarak. Mund t’i jap këtij ekipi komplimentin tim më të lartë nga presidenti Trump, nga kreu i Shtabit të Përbashkët deri te Sekretari i Luftës. Do t’ua besoja jetën e fëmijës tim.”

Përdorues të shumtë në rrjetet sociale spekuluan se ndërprerja e intervistës mund të lidhej me zhvillime të mundshme në lidhje me Iran, megjithatë Bessent nuk dha shpjegime të mëtejshme për arsyen e thirrjes.

Ndërkohë, media The Mirror US ka kontaktuar Shtëpinë e Bardhë dhe Departamentin e Thesarit të SHBA për të marrë një koment zyrtar mbi ngjarjen.