11 vjeçarja nga Puka në gjendje të rëndë, një ditë më parë i vdiq motra

Një ditë më parë në Pukë humbi jeten një femijë dhe mjekët dyshojnë se shkak i kësaj tragjedie të këtë qenë fruthi. Ndërkohë që anëtartë e tjerë të familjës femijë janë sjellë me urgjencë në Tiranë për analiza të mëtejshme.

Pas ngjarjes së rëndë ku humbi jetën një 13 vjeçare në fshatin e thellë malor të Pukës, edhe gjendja e motrës së saj 11 vjeçare është e rënduar. Mjekja e QSUT, Ermira Kola foli për Ora Neës për gjendjen e tre fëmijëve familjes Smajli, të shtruar ditën e djeshme në spitalin e QSUT.

Ajo u shpreh se vajza 11-vjeçare është në gjendje të rëndë dhe se janë në pritje të analizave për të parë nëse fëmijët janë me fruth.”Gjendja e 11-vjeçares që nuk e ka kaluar rrezikun për jetën po ndiqet hap pas hapi.”, tha mjekja.