Rritet ndjeshëm numri i viktimave në Britani
Janë bërë publike shifrat e fundit përsa i përket të prekurve dhe viktimave nga Covid-19 në Mbretërinë e Bashkuar.
Gjatë 24 orëve të fundit, janë regjistruar 468 viktima, duke e çuar në 34.466 numrin total të jetëve të humbura. Ndërkaq, janë shënuar 3450 raste të reja me covid-19, duke e çuar në 240.161 numrin e përgjithshëm të të prekurve me këtë virus.
Sakaq, mediat britanike raportojnë se shteti më shumë i prekur është Anglia, dhe se shumë persona vdesin në azile të moshuarish. Prej kohësh tashmë vendi ishullor nuk i raporton zyrtarisht numrin e të shëruarve dhe pacientëve në gjendje kritike.
Ndërkohë,janë bërë publike shifrat e fundit përsa i përket të afektuarve nga Covid-19 në Itali.
Sipas autoriteteve të Mbrojtjes Civile Italiane gjatë 24 orëve të fundit janë regjistruar 153 viktima nga koronavirusi, 89 më pak se dje, duke e çuar totalin e viktimave në 31.763.
Autoritetet raportuan gjithashtu se sot u regjistruan edhe 875 raste të reja pozitiv për një total prej 224.760 të infektuarish.
Sot numri i të shëruarve në Itali ishte 2605 kurse numri i përgjithshëm i të shëruarve ka shkuar në 122.810.
Keni një histori? Denonco anonimisht, identiteti juaj mbrohet.
Denonco
