Arta Sakja zëvëndëson Edi Palokën në PD

Këshilli Kombëtar i Partisë Demokratike ka zgjedhur kryetarin e ri, pas shkarkimit të Edi Palokës në 17 Dhjetor.

Këshilli Kombëtar do të drejtohet tashmë nga Arta Sakja, e cila u zgjodh me votat e anëtarëve të Këshillit që kanë marrë pjesë në mbledhjen e sotme që po zhvillohet prej 1 ore në selinë e PD-së.

Ndërkohë, janë zgjedhur edhe anëtarët e rinj të Kryesisë dhe Sekretarët e rinj të Partisë Demokratike, pas shkarkimit të anëtarëve që iu bashkuan Sali Berishës në Kuvendin e 11 Dhjetorit.

Vendimet e Këshillit Kombëtar të PD-së:

Kreshnik Çollaku – Sekretar për Emigracionin

Flamur Hoxha – Sekretar Organizativ

Indrit Sefa – Sekretar për Ligjet dhe Zgjedhjet

Roland Bejko – Sekretar për Pushtetin Vendor

Në Kryesi: Agron Kapllanaj, Gazmend Koduzi, Xhemal Gjunkshi, Helidon Bushati, Xhelal Mziu