VIDEO/ Vrasja e ish-policit në Tiranë, ja provat e forta që kanë në duar hetuesit

Hetimet për vrasjen e ish-policit Arben Bilali, ngjarje e ndodhur më 30 janar në zonën e Selitës në Tiranë, po shkojnë siç duhet.

Autoritetet kanë krijuar identikitin e dy personave që morën pjesë në atentat, pasi në duar kanë gjurmët e ADN-së dhe të gishtave të gjetura në makinën që u përdor në vrasjen e 50-vjecarit.

Paraprakisht thuhet se, autorët e dyshuar janë persona me precedentë penalë. Po ashtu, hetuesit kanë zbuluar nga kamerat e sigurisë në zonë se 50-vjeçari është mbajtur nën survejim disa ditë përpara vrasjes.

Arben Bilali u ekzekutua me breshëri kallashnikovi përpara banesës së tij. Autorët pas ngjarjes braktisën mjetin e tyre ne Sauk, në zonën e Mjull Bathores brenda së cilës u gjet edhe arma që u përdor për ekzekutimin e ish policit.