“Ti ishe dielli im”, e fejuara e shqiptarit të vrarë në burgun grek përlot me dedikimin prekës (FOTO)

29-vjeçari shqiptar Ergest Alija u vra nga një shtetas rus në burgun e Trikalas në Greqi, në rrethana që ende nuk dihen.

Alija nuk mund t’iu mbijetonte dot plagëve të rënda, të marra në gjoks, brinjë dhe këmbë dhe sipas mediave greke vdiq në vend.

Trupi i 29-vjeçarit u dërgua në morgun e spitalit ku do t’i nënshtrohet ekspertizës mjeko-ligjore, për vijimësinë e hetimeve nga policia.

Ndërkohë lidhur me këtë ngjarje të rëndë, një postim vërtetë prekës ka pasur dhe e fejuara e tij, me orgjinë nga Vlora, e cila përmes disa reagimeve në rrjetet sociale, shprehet e dërrmuar për këtë humbje.

“Ti ishe dashuria ime, dielli im”, shkruan e fejuara e Ergest Alijajt. Pas vrasjes së të riut një rrëfim të dhimbshëm në lidhje me familjen e të ndjerit ka bërë një nga të afërmit e tij.

Rusi që plagosi për vdekje shqiptarin më 1 maj, tentoi të kryente vetëvrasje në ambientet e burgut të Trikallas pasditen e së enjtes.