Vrau kamarierin 28 vjeçar me armë për një sanduiç

Një kamerier në një restorant në Seine-Saint-Denis në Francë u godit fatalisht të premten nga një klient i pakënaqur, pasi sanduiçi i tij nuk u përgatit shpejt.

Rreth orës 9:00 të së premtes, punonjësit e restorantit të vogël, i vendosur në rrëzë të një ndërtese në Noisy-le-Grand, njoftuan oficerët e policisë se “një prej kolegëve të tyre u qëllua dhe u plagos”, tha një burim i afërt me policinë.

Viktima, një burrë 28 vjeç, vdiq në vend pavarësisht ndërhyrjes së shpëtimit. Ai “kishte një plagë plumbi në shpatull,” tha burimi.

Autori i dyshuar, i cili qëlloi me një armë zjarri, iku. Ai është ende në kërkim. Sipas dëshmitarëve, “ai ishte i pakënaqur sepse sanduiçi i tij nuk u përgatit aq shpejt”.

Zyra e prokurorit publik të Bobigny i tha AFP se ai kishte hapur një hetim për vrasje.

Të shtunën, para restorantit që shërben pica dhe sanduiçe, disa banorë thonë se janë befasuar shumë nga drama. “Ai u vra për një sanduiç”, thotë një banor.

“Është e trishtueshme,” thotë një grua 29-vjeçare, “është një restorant i qetë, pa probleme, i hapur vetëm disa muaj më parë.”

Banorët e tjerë, megjithatë, tregojnë gjendjen shpirtërore të lagjes: “ka plot probleme këtu”, tha Jeremy, 40 vjeç, duke iu referuar trafikut të drogës. “Shpesh ka njerëz të alkoolizuar,” tha ai.