Gjermani/Spitali përfshihet nga flakët, 1 i vdekur dhe 72 të plagosur

Spitali i Duseldorfit në Gjermani, u përfshi nga flakët në orët e para të mëngjesit të sot, ku për pasojë humbi jetën një person, ndërsa 72 të tjerë u plagosën.

Sipas mediave gjermane, viktima është një pacient 77 vjeçar, ndërsa 11 nga të plagosurit janë në gjendje të rëndë.

Shkaku i zjarrit që shpërtheu në Spitalin Marien në rrethin Pempelfort të qytetit është i paqartë, ndërsa fillimisht flakët ranë në katin e dytë në dhomën e pacientit që humbi jetën.