Reagon sërish ambasadori amerikan: Mbi 30 ekipe në gjithë Kosovën. Presim zgjedhje të lira

Pas apelit te dhene mengjesin e sotem, ambasadori amerikan në Prishtinë Philip Kosnett ka ndjekur nga afer procesin e votimit ne Kosove. 

Ai ka qene ne shkollën “Kral Milutin”, qe ka ne numër më të madh të votuesve në Graçanicë dhe ka uruar prej andej per zgjedhje të lira dhe demokratike.

Të drejtë vote kanë 1 milion e 937 mijë e 869 qytetarë. Numri i Qendrave të Votimit (QV) është 895 derisa numri i votuesve të ri që do të votojnë për herë të parë në zgjedhjet e parakohshme për Kuvendin e Republikës së Kosovës është 111 mijë e 733 votues.

“Çdo votë numërohet”, ambasadori amerikan ka një apel për zgjedhësit në Kosovë

Ambasdori i Shteteve të Bashkuara në Kosovë, Philip Kosnett, përmes një postim në Twitter ka dhene apelin e pare per zgjedhjet në Kosovë.

“Në Kosovë si në Amerikë, çdo votë numërohet. Cdo zë ka rëndësi. Cilado qoftë pikëpamjet tuaja, këdo që të mbështesni – më 6 tetor, dilni dhe votoni. Për veten, për vendin tënd, për të ardhmen tuaj”, ka shkruar Kosnett.