Arrestohet avokati ‘007’/ Tentoi të shpëtojë profesorin e kantos i akuzuar për ngacmim seksual

Avokati i  profesorit të kantos në Fier Agron Bego, i cili u akuzua për ngacmim seksual, ka rënë në prangat e policisë. Avokati i cili tentoi të mbyllte çështjen e vajzës që denoncoi profesorin Bego.

Në emisioni investigativ “Stop” u publikua videoja ku shfaqet avokati Niko Bega, i cili i kërkon shokut të vajzës që bëri denoncimin ndaj profesorit, që të ndryshonte dëshminë. Nga ana e saj, policia ka reaguar menjëherë duke vënë në pranga avokatin 53-vjeç, banues në Fier, i cili akuzohet për “korrupsion aktiv”.

Njoftimi i plotë i policisë: Menjëherë pas videos së publikuar në emisionin investigativ “Stop” në mbrëmjen e datës 19 Shkurt 2020, nga Specialistët e Sektorit për hetimin e krimit ekonomik e financiar në Drejtorinë Vendore të Policisë Fier, pas hetimeve intensive, u bë ndalimi i shtetasit:

1. B., 53 vjeç, banues në Fier, me profesion Avokat pranë dhomës së avokatisë Fier.

Ndalimi i këtij shtetasi u bë pasi dyshohet për veprën penale “Korrupsion aktiv”. Ky shtetas, duke shfrytëzuar pozicionin e tij si avokat, i ka kërkuar një shtetasi të ndikonte te nxënësja që të ndryshonte thëniet e saj në ngarkim të klientit të avokatit i cili është me masë sigurimi “Arrest me burg” për veprën penale “Ngacmim seksual”.

Materialet i kaluan SPAK, për veprime të mëtejshme.