Kryeministri italian Giuseppe Conte ka shpërndarë videon e Kryeministrit shqiptar Edi Rama, në fjalimin e tij gjatë përcjelljes së 10 mjekëve dhe 20 infermierëve drejt Italisë, për të ndihmuar homologët italianë në luftën ndaj COVID-19.
“Faleminderit” shkruan Conte, ndërsa i bashkëngjit edhe flamurin tonë kombëtar, duke e publikuar këtë video si një mënyrë falenderimi.
Kujtojmë se ditën e djeshme 10 mjekë dhe 20 infermierë shqiptarë u nisën drejt Italisë për të ndihmuar në situatën e vështirë që po kalon shteti fqinj.
Ata do të rrinë në Itali për një periudhë 1 mujore, ndërsa pagesën e tyre do ta bëjë qeveria shqiptare.
Italia është vendi më i prekur nga COVID-19, pasi numri i viktimave është më shumë se 10 mijë.
