Ndërron jetë papritur sportisti dhe biznesmeni i njohur nga Shkodra, Nikolin Karroca

Lajmi për ndarjen parakohe nga jeta ka pikëlluar familjarët, miqtë por edhe sportdashësit e shumtë shkodranë, midis tyre ekipin e hendbollit të Vllaznisë të cilin ai e përkrahte vazhdimisht me fonde.

Nikolin Karroca u nda nga jeta në moshën 51-vjeçare për shkak të një ataku kardiak. Ai njihej edhe si biznesmen i suksesshëm në fushën e fasonerisë, ku prej disa vitesh ishte administrator i një fabrike këpucësh.