Sherr masiv mes 25 të rinjve te lagja e “kinezëve” në Elbasan

Sipas informacioneve të para, në sherr janë përfshirë 25 të rinj, pjesa më e madhe e tyre banorë të zonës në lagjen “Emin Matraxhiu”, ndërsa disa prej tyre raportohet se kanë mbetur të plagosur dhe kanë shkuar në spital për të marrë ndihmë mjekësore. Ka qenë një makinë dhe një furgon me xhama të zinj që kanë shkuar në “lagjen e kinezëve” dhe aty kanë nisur të konfliktohen me të rinj të tjerë.

Menjëherë në vendngjarje kanë shkuar forcat e Policisë së Elbasanit dhe kanë shoqëruar një numër të lartë personash të përfshirë në sherr. Fillimisht, të rinjtë që po konfliktoheshin kanë tentuar të dhunojnë dhe efektivët.

Banorët e lagjes kanë thënë se aty janë dëgjuar dhe të shtëna armësh, por deri më tani Spitali i qytetit nuk konfirmon asnjë person të plagosur me armë zjarri, por vetëm me sende të forta.