Plagoset me armë zjarri drejtorit i Ujësjellësit në Shkodër dhe djali i tij, arrestohet autori i dyshuar

Një 43-vjeçar eshte arrestuar nga policia e Shkodres, pasi akuzohet se ka qelluar me arme zjarri drejtorin e ujesjellesit ne Bashkine Shkoder dhe djalin e tij, te dy keta qe fatmiresisht ndodhen jashte rrezikut per jeten. 

autori i dyshuar i plagosjes së Mark Molles dhe djalit te tij është Mhill Pllumaj, të cilit në momentin e arrestimit i sekuestruan edhe armen me te cilen kishte qelluar drejt at e bir.

Nderkohe policia eshte duke punuar per zbardhjen e plote te rrethanave te ngjarjes.

Njoftimi i plote: 

Plagosi me armë zjarri pas një konflikti të çastit, Drejtorin e Ujësjellësit në Bashkinë Shkodër dhe djalin e tij, kapet dhe prangoset në kohë rekord autori, falë reagimit të menjëhershëm dhe profesional të Policisë.

Rreth orës 16:00, në lagjen “Mark Lula”, në Shkodër, shtetasi M. P., para banesës së tij, pas një konflikti për motive të dobëta me shtetasin M. M, me detyrë Drejtor i Ujësjellësit në Bashkinë Shkodër dhe djalin e tij K. M., i ka plagosur të dy me armë zjarri pistoletë.

Shtetasi M. M. dhe djali i tij K. M. janë transportuar menjëherë në Spitalin Rajonal Shkodër, ku ndodhen jashtë rrezikut për jetën.

Policia e Shkodrës dhe strukturat e DVP Shkodër, me marrjen e njoftimit, shkuan menjëherë në vendngjarje, duke bërë rrethimin e zonës dhe falë veprimeve të shpejta dhe profesionale bënë kapjen dhe arrestimin në flagrancë të autorit, shtetasit M. P, 43 vjeç, të cilit në momentin e kapjes shërbimet e Policisë i gjetën dhe sekuestruan edhe armën me të cilën ky shtetas plagosi shtetasit M. M. dhe K. M.

Grupi hetimor ndodhet në vendngjarje dhe vijon punën për sqarimin e plotë të rrethanave të ngjarjes.