E rëndë, mbytet një 41-vjeçar që po lahej në plazhin e Gjeneralit

Raportohet se një burrë 41-vjeçar është gjetur i mbytur rreth orës 17:20 të pasdites, në plazhin e Gjeneralit.

Shtetasi E.M., 41 vjeç ishte futur për t’u larë, por është mbytur, në rrethana ende të paqarta.

Policia dhe grupi hetimor ndodhet në vendngjarje dhe po punon për zbardhjen e plotë të kësaj tragjedie.

Informacion paraprak

Më datë 05.09.2020, rreth orës 17:20, tek plazhi i Gjeneralit, në Kavajë, shtetasi E.M.,41 vjeç, banues në Tiranë, dyshohet se është mbytur duke u larë në det, e për pasojë ka ndërruar jetë.

Grupi hetimor ndodhet në vendngjarje dhe po punon për zbardhjen e rrethanave të ngjarjes.