Kodi Zgjedhor në Venecia, reagon PD: Rama të thotë pse ka frikë nga ekspertiza e Komisioni
Partia Demokratike ka reaguar në lidhje me deklaratat e fundit të kryeministrit Edi Rama, pasi presidenti Meta dërgoi në Venecia ndryshimet në Kodin Zgjedhor, për të pritur më tej një opinion dhe përgjigjen e 5 pyetjeve drejtuar nga Presidenca.
Sekretari i Përgjithshëm i PD-së, Gazment Bardhi thotë se Rama ka frikë nga ekspertiza e Komisionit të Venecias, dhe se ka refuzuar hapur apelin e Komisionerit për Zgjerimin në BE z. Oliver Varhelyi.
Reagimi i Bardhit
Edi Rama duhet të shpjegojë pse ka frikë nga ekspertiza e Komisionit të Venecias dhe pse i trembet zgjedhjeve demokratike sipas standarteve europiane.
Shqiptarët nuk i kanë borxh Edi Ramës pengmarrjen e Shqipërisë.
Refuzimi brutal i Edi Ramës ndaj apelit të Komisionerit për Zgjerimin në BE z. Oliver Varhelyi është një tjetër dëshmi që për Partinë Socialiste interesi i mafias është mbi interesin e Shqipërisë. Asnjë Kryeministër më parë nuk ka vënë në rrezik integrimin europian të Shqipërisë dhe nuk ka sfiduar hapur Bashkimin Europian për llogaritë e tij politike të ditës.
Keni një histori? Denonco anonimisht, identiteti juaj mbrohet.
Denonco
