Topalli: Me Ramën kam lomunikuar një herė

Topalli thitë se gjithçka është shumë larg të vërtetës ndërsa shton se me Edi Rama ka komunikuar vetëm një herë.

“Nuk kam asnjë komunikim me Edi Ramën, kam pasur komunikim vetëm njëherë kur kishte një rast të një fatkeqësie shumë të rëndë në qytetin tim dhe një familje më kërkoi që të ndërhyrja për të zgjidhur një problem dhe me sa kam dijeni ai i është përgjigjur familjes që kishte problemin. Më vjen shumë keq që janë aq larg të vërtetës”, znj. tha Topalli në Euronews.

Duke u ndalur tek çështja e koalicioneve që mund të bëjë pas zgjedhjeve, Topalli tha se nuk e përjashtonte mundësinë për të bashkëpunuar me forcat e tjera të djathta.

“Asnjëri nuk ka luksin për të refuzuar tjetrin përballë tre njerëzve që mbajnë peng 3 milionë shqiptarët. Nuk është momenti për të parë defekte por është shansi për ti dhënë mundësi vendin qe të mos rrëshqasë më tej”, tha ajo.

Ndërsa deputeti i PS, Damian Gjiknuri i cili kishte rol kryesor në krijimin dhe formimin e Kodit të ri Zgjedhor është pyetur nëse mazhoranca ka ose jo një plan B për zgjedhjet e 25 prillit.

Gjiknuri shprehet i bindur se mazhoranca fiton edhe këto zgjedhje teksa shton se deri më tani PS s’ka ndonjë plan tjetër veç fitores si forcë e vetme.

Më tej Gjiknuri tregon se çfarë ndodh në rast se PS nuk fiton shumicën ose nuk merr 71 mandate. Deputeti thekson se nuk përjashtohen mundësitë e aleancave me parti të tjera.
Ai thotë se ka shumë parti teksa nuk përjashton as grupimet e reja në parlament që erdhën pas djegies së mandateve nga opozita në 2018.

”Këto pyetje shtrohen në kohën dhe momentin e duhur. Nuk do të kemi nevojë për shtrirje dore në këto zgjedhje. Por këto duhen bërë në kohën e duhur. Nëse nuk bëjmë shumicë, do bëjmë aleanca me parti të tjera. Ka shumë parti. Nuk gjykojmë tani. Unë them që, do shohim.Do lexojmë vullnetin e popullit. Atëhere fillon preferenca.
Nëse nuk zotërojmë 71 mandate, do bëjmë aleancë me ndonjë faktor politik. Mund të jenë dhe grupimet e reja në parlament. Pasi kam fotografimin politik, atëhere, çfarë i intereson vendit. ”- tha Gjiknuri.