Ish-Ministri Leonard Solis: Duhen urgjent spitale covid nëpër rrethe

Në një intervistë për “Abc” Solis shtoi se një tjetër problem është fakti se të infektuarit me koronavirus duhet të marrin trajtim në qytetin e tyre, pasi në të kundër shkakton probleme sociale.

Më tej, Solit tha se nëse do të ishte në të tillë situatë, ai do të pranonte të shikonte fytyrën e familjarëve përpara se të ndërronte jetë dhe jo të mjekëve.

“Unë nëse do të isha duke ndërruar jetë, do të doja që të shikoja fytyrën e familjarëve të mi për herë të fundit dhe jo të mjekëve. Tirana nuk ka spital për të gjithë. Kjo është edhe një situatë sociale e rënduar. Jo të gjithë kanë mundësi të vijnë në Tiranë. U aktivizua edhe mjeku i familjes dhe shyqyr që ndodhi kjo. Ne nuk duhet ta përqendrojmë të gjithë në Tiranë, por të decentralizohet në të gjithë rrethet. Nuk përballohet e gjithë situata vetëm në Tiranë. Nuk ka situatë të kuqe, rozë ose Rilindase. Të gjitha janë njëlloj,” tha Solis.