Çahet rruga, shikoni si ka ngecur urbani i Yzberishtit në gropën e madhe

Një nga urbanët e linjës së Yzberishtit ka ngecur në një gropë të shkaktuar nga çarja e rrugës.

Fotot  janë fiksuar në rrugën “Tre Dëshmorët” në Yzberisht mesditën e të premtes.

Pasagjerët janë detyruar të zbresin dhe të hipin në një tjetër urban, pasi autobusi duket të ketë pësuar defekt.

Qytetarët denoncojnë se rruga e cila është çarë në një masë të konsiderueshme ka vetëm pak kohë që është shtruar. Tashmë ajo është kthyer në një rrezik për mjetet dhe udhëtarët që “lënë gomat” aty.