Kultivonin kanabis në një fshat të Tiranës, arrestohen 7 persona

Shtatë persona janë arrestuar nga policia e Tiranës në kuadër të një operacioni anti-drogë të zhvilluar në fshatin Kryezi për kultivimin e kanabisit.

Në pranga kanë rënë shtetasit me iniciale Lulzim Cullhaj 55 vjeç, Dashamir Hasanaj 34 vjeç, Erdit Muça, 21 vjeç, Alfred Muça, 31 vjeç, Kadri Gjoshi, 32 vjeç, Gert Gjoshi, 36 vjeç dhe Xhemal Hidri, 32 vjeç të akuzuar për kultivim kanabisi dhe armëmbajtje pa leje.

Sipas njoftimit të policisë, në bashkëpunim me njëri-tjetrin ata kanë kultivuar një sipërfaqe të konsiderueshme me kanabis, të cilat u asgjësuan nga policia duke i djegur.

Organizatori kultivimit të drogës në këtë fshat, sipas policisë është Lulzim Cullhaj. Gjithashtu gjatë kontrolleve të ushtruara në banesat e tyre, policia gjeti 4 armë të cilat u sekuestruan në cilësinë e provës materiale.

“Nga  kontrolli  i ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte” – thuhet në njoftimin e policisë.

Nga hetimet e kryera rezultoi se këta shtetas dyshohet të jenë edhe autorë të tentativës për kultivim po në këtë fshat në vitin 2020.

Njoftimi i Policisë:

Finalizohet pas një hetimi 4-mujor, operacioni policor i koduar “Kryezi”.Operacioni nga Komisariati I Policisë Nr. 1 në bashkëpunim me Forcën Operacionale të DVP Tiranë dhe Forcën e Posaçme “Shqiponjat” nën drejtimin e  Prokurorisë së Rrethit Gjyqësor Tiranë, për goditjen e veprimtarisë kriminale të kultivimit të bimëve narkotike dhe të armëmbajtjes pa leje.

Vihen në pranga 7 persona, ndërmjet tyre  edhe një kryeplak i një fshati tjetër, bashkëautor  i kultivimit të bimëve narkotike në fshatin Kryezi.

Sekuestrohen 4 armë zjarri, një armë gjahu, municon luftarak dhe 11 telefona celular.

Në vijim të punës për parandalimin, evidentimin dhe goditjen e veprimtarisë kriminale  në fushën e kultivimit të bimëve narkoitke dhe atë të armëmmbajtjes pa leje,  bazuar në informacionet e marra nga Specialistët për Hetimin e   krimit në Komisariatin e Polcisië Nr. 1 Tiranë filloi procedimi penal për goditjen e personave që posedonin armë zjarri dhe tentonin të kultivonin bimë narkotike.

Pas një hetimi proaktiv 4-mujor nën drejtimin e  Prokurorisë  së Rrethit  Gjyqësor Tiranë, nga ana e sherbimeve të Komisariatit të Policisë  Nr.1, mbështetur nga strukturat e Forcës Operacionale të Drejtorisë Vendore të Policisë Tiranë si dhe nga  Forcat “Shqiponja”, u organizua dhe finalizua me sukses operacioni policor I koduar “Kryezi”, në kuadër të të cilit u bë kapja dhe  ndalimi I shtetasve:

• L. C, 55 vjeç, për veprën penale ‘’Kultivim i bimëve narkotike’’ Organizator i kultivimit të bimëve narkotike në territorin e fshatit Kryezi. .
• D. H, 34 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’, ‘’Shpërdorim i detyrës “.
• E. M, 21 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,

1. M, 31 vjeç, për veprën penale ‘’Kultivim i bimëve narkotike’’.

• K. Gj, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,
• G. Gj, 36 vjeç, për veprën penale ‘’Kultivim i bimëve narkotike’’.
• Xh. H, 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’.

Ndalimi i  këtyre shtetasve është bërë pasi nga terësia e veprimeve proceduriake si dhe provave të sekuestruara  rezulton se këta  shtetas në bashkëpunim me njeri- tjetrin kanë kultivuar në territorin e fshatit Kryezi të rrethit Tiranë, një numër të konsiderueshëm bimësh narkotike të cilat u asgjësuan me djegie gjatë operacionit policor.

Nga  kontrolli  i ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte.

Nga hetimet e kryera rezultoi se këta shtetas dyshohet  të jenë edhe autorë të  tentativës për kultivim poo në këtë fshat në vitin 2020.

Materialet procedurale do ti kalojnë Prokurorisë së Rrethit Gjyqësor Tiranë, për veprat penale  ‘’Kultivim i bimëve narkotike’’ , ’’Mbajtja pa leje dhe prodhim i armeve , armeve shperthyese dhe i municionit’’, ‘’Shpërdorim i detyrës “.