Tentoi të vriste pronarin e shkollës private, kapet pas tre muajsh autori (Emri)

Është arrestuar ditën e sotme autori i atentatit ndaj administratorit të shkollës private në kryeqytet.

Policia ka njoftuar se Skerdi Tasi 31 vjeç, është vendosur në pranga pasi më 18 janar ai qëlloi me armë në zonën e Liqenit të Thatë, drejt Lulzim Mashës. Masha u qëllua me tre plumba teksa po lëvizte me mjetin e tij, ndërsa nuk pati lëndime.

Mbi 31-vjeçarin rëndojnë akuzat për “Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.

Njoftimi i policisë:

Nw pranga S. T., 31 vjeç, për veprat penale “Vrasja me paramendim” e mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”. Ky shtetas me datë 18.01.2022, te nënkalimi te Liqeni i Thatë, ka qëlluar me armë zjarri në drejtim të mjetit me drejtues shtetasin L. M., 63 vjeç.