Pas denoncimit të 29-vjeçares, gjendet turisti polak në Sarandë!

Turisti polak i cili u denoncua i zhdukur në det një ditë më parë në plazhin e Ksamilit, nga një 29-vjeçare është gjetur në orët e vona të darkës.

Policia bën me dije se gjatë kontrollit në det është bërë e mundur gjetja e turistit i cili më pas është shoqëruar në vendin e tij të akomodimit në Sarandë.

“Në vijim të informacionit paraprak të dhënë për  kërkimet e shtetasit polak Z. K, ju informojmë se si rezultat i bashkëpunimit me shërbimet e Policisë Kufitare, gjatë kontrollit në det, u bë e mundur gjetja e shtetasit Z. K, i cili ndodhet në gjendje të mirë shëndetësore dhe po shoqërohet për në vendin e tij të akomodimit në  Sarandë”,thuhet në njoftimin e policisë.