Fier/ Aksidentohet 15-vjeçari, një 75-vjeçar gjendet i vdekur në rrugë

Në qytetin e Fierit kanë ndodhur dy ngjarje të rënda. Mësohet se në fshatin Çermë Shkumbin, Divjakë, është gjetur pa shenja jete dhe pa shenja dhune, shtetasi R. L., 75 vjeç. Grupi hetimor po kryen veprimet procedurale, vdekja dyshohet për shkaqe natyrale.

Gjithashtu është arrestuar shtetasi D. Zh., 45 vjeç, banues në Roskovec, pasi duke drejtuar motomjetin, pa leje drejtimi, në aksin rrugor Marinëz-Roskovec, ka aksidentuar një 15-vjeçar, banues në Roskovec. Si pasojë e aksidentit është dëmtuar edhe drejtuesi i motomjetit. Të dy të dëmtuarit ndodhen në spital, nën kujdesin e mjekëve, jashtë rrezikut për jetën.