Hoteli në Moskë përfshihet nga flakët regjistrohen 8 të vdekur

Mësohet se zjarri ka përfshirë tre dhoma dhe një korridor në hotelin në jug të kryeqytetit rus. Sakaq, një grup ekspertësh kanë mbërritur në vendngjarje për të përcaktuar shkakun e tragjedisë. Mediat vendase bëjnë me dije se ekipet e shpëtimit kanë evakuuar 200 persona të tjerë që ndodheshin në hotel. Të paktën tetë persona kanë humbur pas një zjarri që ka rënë në një hotel në jug të Moskës, ndërsa tre të tjerë kanë mbetur të lënduar lehtë. Nuk dihet nëse zjarrvënia është e qëllimshme ose jo.