Gjobë për Lul Morinën për pallat 9-katësh pa leje, qytetarët burg për një avlli

Ditën e sotme, pasi Rama njoftoi burgosjen e pronarëve që kanë ndërtuar pa leje, ka plasur show qeveritar me kamerat e ERTV në Farkë.

Pëe çudinë e të gjithëve, është pikërisht pallati i biznesmenit Lul Morina, hotelin e të cilit “Radisson Collection” e promovoi vetë Rama pak muaj më parë kur u inaugurua.

Pallati 9-katësh me dy kate nëntokë dhe shtatë kate mbi tokë është i gjithi i ndërtuar pa leje. Morina është dënuar me gjobë 35.000 Lekë për çdo metër katror dhe në këtë mënyrë do të shmangë sekuestrimin e plotë të godinës.

Vetëm në rast mos-pagimi të gjobës do të çonte në sekuestrim të ndërtesës dhe jo konfiskim të saj dhe burgosje të biznesmenit siç qeveria paralajmëroi.

Pra për biznesmenin e njohur qeveria zbaton masën administrative gjobë, ndërsa për ata që ndërtojë edhe një avlli pa leje do të burgosen. Kjo është formula e thjeshtë se si funksionon shteti shqiptar, e pasqyrohet edhe në propagandën më të cekët të ekraneve të kryeministrit.

Pavarësisht kësaj, Morina i paska dhënë me qira qeverisë pallatin e tij për të filmuar një skenë propagandistike që synon të bindë qytetarët se ligji në Shqipëri funksionon njësoj për të gjithë.