Alimehmeti tërhiqet nga balotazhi: Anëtarësia foli pro Belind Këlliçit

Kandidati i primareve, Ilir Alimehmeti është tërhequr nga balotazhi, duke i njohur fitoren kandidatit tjetër, Belind Këlliçi.

Gjatë deklaratës së tij në selinë e PD-së, Alimehmeti u shpreh se vota e anëtarësisë dje foli qartësisht pro Belind Këlliçit.

Ilir Alimehmeti:

Jemi këtu më pak se 24 orë nga Primaret ku anëtarësia shprehu vullnetin me votë për herë të parë.

Respekt votës së anëtarësisë, falënderoj çdo votues e numërues për një proces që shkoi nga fillimi në fund me transparencë brenda një kohe të shkurtër. Nga fillimi i këtij procesi isha i bindur se anëtarësia duhet të shprehej.

Kam qenë i bindur se ishte anëtarësia që duhet të kishte rol kryesor. Anëtarësia foli në favor të kandidatit pranë meje, Belind Këlliçit, djalë i shkëlqyer, nga ana politike e njihni mjaft mirë.

Sido të shkonte do isha në krah të kandidatit apo kandidates, në këtë rast kandidatit që do gëzonte votën e anëtarësisë. Duhet njohur vota dhe duhet kuptuar siç duhet.