Borë në Krujë, fshatrat pa energji elektrike

Moti i paqëndrueshëm me reshje shiu dhe dëbore ka mbuluar malet e Krujës. Bëhet e ditur se trashësia e dëborës ka shkuar deri në 15 cm, teksa rruga për në Qafë-Shtamë është e kalueshme vetëm me zinxhirë. Ndërkohë si pasojë motit të keq, shumë fshatra janë pa energji elektrike si pasojë e dëmtimit të linjave furnizuese.

Jemi në ditën e katërt ku Shqipëria po përballet me reshje shiu dhe dëbore si dhe erë të fortë. Bora ka lënë të bllokuar edhe shumë fhsatra të Dibrës, teksa ka bërë që rruga e Arbrit të mos jetë në funsksion të qytetarëve, të cilët do të duhet të qarkullojnë nga rruga e vjetër.

Shkodra dhe Lezha vijojnë të jenë nën pushtetin e ujit, teksa sipërfaqja e tokës së përmbytur i ka kaluar 1000 ha. Durrësi, Elbasani, Vlora e Fieri kanë probleme në rrugët kryesore të qytetit pasi janë të pushtuar nga uji.